Sait mei Schatz

Des bissle Haushalt machsch du heit alloi,

sait mei Schatz.

Nau bleibsch au heit mal meah bei mir dahoi,

sait mei Schatz.

Wenn i des net so dua, nau g’hear i heit dr Katz,

drum mach i des, fer mei’n Schatz.

Die Fenschter send ja wieder voller Dreck,

sait mei Schatz,

und d’Schpennaweba send ja non et weg,

sait mei Schatz.

Bevoar i wieder diskutier, g’hear i dr Katz,

drum mach i’s oifach, fer mein Schatz.

Sia sait, des g’heaert so, des hält mi fit,

dau ka i bettla, des schtört mein Schätzle it.

Am Morga aufschtau, sei doch wunderschea,

sait mei Schatz,

des Frühschtück macha, und vielleicht no meah,

sait mei Schatz.

Und wenn i oimaul widerschprich, g’hear i dr Katz,

drum mach i alles, fern mei’n Schatz.

Sia sait, des g’heaert so, des hält mi fit,

dau ka i bettla, des schtört mein Schätzle it.

Du bisch fer mi dau, merk dir des frei g’nau,

sait mei Schatz,

a jedes Mannsbild braucht a so a Frau,

sait mei Schatz.

Will i mal ebbes anders, g’hear i glei dr Katz,

drum bi i willig, fer mein Schatz.

A Ma braucht Arbad, nau sei alles guat,

sait mei Schatz,

wenn des net doa willsch, net guat doa duat,

sait mei Schatz,

doch oimaul kommt der Daa, dau g’hearet sia dr Katz,

ja nau suach i an andra Schatz.

© Luis Walter

Schwäbischer Dialekt

Bild: Pixabay

Facebookprofil: https://www.facebook.com/skrumbacher.unddrumrum

Websites: https://www.luis-walter-skrumbacher.de/

und https://www.luis-walter-gedichte.com/

Seine bisher erschienenen Bücher: https://www.bod.de/buchshop/catalogsearch/result/?q=Luis+Walter

Mei‘ alt Portemonnaie

Mit einem Wohlgefühl lag ich

auf unserem alten Chaiselongue.

Ein Duft aus der Erinnerung,

der mich so gar net störte.

Urplötzlich meine Nase

ganz wunderbar betörte.

Kurz überlegt, ja haben dann

die Quetsche schon Saison.

Zackig bin ich in die Küch‘,

seh meine Oma stehn am Herd,

rührt in dem große Dibbe rum.

Ach, sagt se,

mir ist schon ganz blümerant.

Rühr nun schon seit Stunden,

dass mir des Ladwerge is bloß net angebrannt.

Glaubst gar net, was ich heut schon hat

für Fisimatenten,

als ich die Quetsche

kaufe wollt

beim Bauer Bente.

Überkam mich gleich ein Schauer ganz flott –

Oh je, mei alt Portemonnaie war fort!

Gleich drehte ich mich um

und lief uff die Gass‘.

Zum Glück lag’s noch da,

mitte uff ’em Trotuar.

Da war ich aber froh,

wie der Mops im Paletot.

Jetzt komm zu mir, mein Kind,

un ess a Brot, setz dich hin,

weil ich mit dem

Quetschelatwerge

nun endlich fertig bin.

© Astrid Nöll

- in hessischer Mundart -

Bilder: Pixabay

Facebookprofil: https://www.facebook.com/astrid.noll

Sie ist auch im Buch „365 Tage Frieden“ zu finden, das es hier gibt:

https://www.kulturkaufhaus.de/de/detail/ISBN-9783930758951/Heins-R%C3%BCdiger/365-Tage-Frieden

Facebookseite „Poesie der Seelenfedern“: https://www.facebook.com/profile.php?id=61579793533309&mibextid=wwXIfr&rdid=WUk10I32GHMusWWJ#

Ihr Buch „Seelenfedern“ gibt es hier: https://shop.tredition.com/search/U2VlbGVuZmVkZXJuIA

Des Weihnachtsfescht an sich

Scho bald sieht ma heit in de Schtädt

dass d’Weihnachtszeit bald kommt.

es isch no Herbscht und d’Sonna scheint

sieht ma scho d’Niklaus prompt.

Leabkuacha geits’s und Glühwei scho

was em Regal so schtad,

dass ma bis na auf Weihnächta

scho gar koin Gluscht meah hat.

Des Fescht an sich, ganz kommerziell

dia größscht Bedeutung fend’t,

dia Wirtschaft macht au ihra G’schäft,

am moischta dau dra g’wennt.

Grad wia des oft ausg’schlachtad wett

isch’s Fescht a Neabasach,

dau wed nau kauft, dau wed nau g’schenkt,

und hierher liegt’s brach.

Und doch hat’s no an b’sondra Flair

wenn’s dussa hoimle schneit,

wenn Wald und Flur schea weiß bedeckt

isch’s scho a scheana Zeit.

Vom Duura raa a Musik schpielt,

so en dr Heil’ga Nacht,

a Kinderchoar a Liadle sengt,

a jedes Herz dau lacht.

Dr Chrischtbaum dau am Rathaus schtadt

mit Kugla wunderschea,

wenn dann au no manch Kerzle brennt

dau koin Kommerz muass gea.

A jeder griaßt, weil Weihnacht isch,

und isch gar voller Fraid,

ma dau au mal ganz schnell vergisst

was oin druckt fer a Leid.

Wia all’z em Leaba, au des Fescht

zwoi Seita an sich hat,

dr oi frait sich über sei G’schäft

und net em Minus schtadt.

Da andra g’freit ganz oifach all’z,

b’sinnt sich an Kinderzeit,

so ich letzscht Endes halt a mal

a Weihnacht wia’s oin Fraid.

© Luis Walter

Schwäbischer Dialekt

Bild: Pixabay

Facebookprofil: https://www.facebook.com/skrumbacher.unddrumrum

Websites: https://www.luis-walter-skrumbacher.de/

und https://www.luis-walter-gedichte.com/

Seine bisher erschienenen Bücher: https://www.bod.de/buchshop/catalogsearch/result/?q=Luis+Walter

„WATT“

Ich möchte Euch gerne etwas über ein Wort erzählen,

das hier am schönen Niederrhein oft gebraucht und sehr beliebt ist.

Es das kleine Wörtchen „WATT“.

WATT is platt!!!

Z.B. WATT jibt et Neues? WATT hasse jesacht? WATT tus de heut usw.

Also „WATT“ is en jans wischtisch Wort.

Aus „WATT“ kann man nämlich „WATT“ machen.

Ich erklär Euch dat mal.

Wenn ein Mann heiraten will, dann muss er sich WATT söke,

nämlich e Mädchen, datt WATT hat un datt WATT kann,

un auch WATT vorstellt.

Et muss auch – wenn et geht – WATT mitbringen

un vor allen Dingen auch WATT in die Blus haben.

Un wenn er so WATT jefonge hätt, dann hätt er bestimmt WATT!

WATT für ett Herz, WATT für et Jemüt,

WATT für ze fummelen un WATT für et janze Leben.

Dann fragt er sie WATT un wenn sie ja sagt, wird Hochziiet jefiert!

Die darf natürlich auch WATT kosten, dat man sieht,

dat auch WATT da is un dat man WATT hat.

Denn wer WATT hat un wo WATT ist,

da kömmt jewöhnlich noch WATT dazu.

Dann kütt die Hochzeitsnäät. Er sagt: „Ich zieh mich schon aus und leg mich WATT.“

„Is jut“, sagt sie, „ich geh in et Bad un beeil mich WATT.“

Sie kömmt in et Schlafzimmer un hört, da schnarcht doch WATT.

Da ruft sie laut: „He Schatz, da war doch WATT! Schatz et jeht weiter, nun leise WATT.“

Ja, ja, sonn Hochzeitsnäät, dat is schon WATT!

Dann jeht et auf Hochzeitsreise – dat kostet WATT.

Aber man sieht auch WATT un erlebt auch WATT,

un man kann WATT kaufen – un WATT mit nach Hause bringen,

dat die anderen WATT zu kucken haben.

Un inne Wohnung, da sind Lampen un inne Lampen sind Birnen

un die haben dann 40, 60 oder auch 100 WATT.

Die beleuchten dann die Flaschen, wo WATT drin is, damit wir hier WATT fiere künne.

Ne, WATT en Freud!!!

Un nach der Hochzeitsreise, da tut man WATT.

Man schafft WATT, man lebt WATT

un man kümmert sich WATT um sing Frau

un auf einmal erwartet man WATT!

Die Familie, die Nachbarschaft un WATT et sonst noch jibt

haben natürlich schon lang WATT jemerkt.

Die sagen schon lang: „Ich mein, da tut sich WATT,

da hat WATT jeklappt.

Ich glöv, die kriegen WATT! Un dann, dann haben se WATT!“

Wenn dann dat Kind im Bettchen schreit, dann fehlt ihm WATT.

Dann macht die Mutter die Blus auf un jibt em WATT.

Un wenn et dann noch weiter schreit,

dann kann et auch sein, dat es bloß WATT jemaat hat.

Seht Ihr, so lernen die Kinder von Vater un Mutter WATT WATT is.

Ja, un dann tut man weiter WATT arbeiten, WATT anschaffen

un auch WATT sparen un WATT auf de hohe Kante legen,

damit man als Rentner auch noch WATT hat

un uns alle Sassen op de Sippung einladen kann.

WATT soll ich noch alles über WATT erzählen?

Wisst Ihr WATT?

Wir feiern noch WATT!

Wir trinken noch WATT! Prost!

© Dieter Kauertz

Rheinischer Dialekt

Bilder: Pixabay

Facebookprofil: https://www.facebook.com/profile.php?id=100017123198327

A saubleder Daa

Es geit em Leaba so an Daa,

der rutscht dr glei em Buckl naa,

weil der net sei ka wia en ma,

saubleder er au net sei ka.

Dau schtasch en dr Friah eascht mal auf,

hausch eascht mal auf da Wecker drauf,

nau leited scho des Telefo,

wer will denn was am morga scho.

Nau sait oiner, es sei verreckt,

er hätt an mein’m Auto a geckt,

des hätt en dr Diir jetzt a Dull,

es wär jetzt all’z andre als cool.

I ziag mir nau schnell ebbe a

daumit i dean Schada seah ka,

und wia i dau dussa so schtand

han i koin Schlüssl en dr Hand.

Mir machad des alles perfekt,

han nau au sei Karte eig’schteckt,

dr Schada, m aka eahn so lau,

muass halt en d’Werkschtatt nau gau.

Viel schlemmer, i komm nemme nei,

mei Diir, dia isch g’raschtad ein,

dau griasch ganz schloddrige Knia,

und des au scho glei en dr Friah.

Nau han i eascht maul überlegt,

han i net au oin mal verschteckt,

weil mir des ja scho mal passiert,

han mei Hiira mal fokusiert.

Em Garta, ja dau müsst er sei,

dau han es oin g’legt doch wo nei,

und wia i all’z umgrutschtlad han,

nau isch er ganz unda en ra Wann.

Und wia i nau komma bi nei,

nau hann i mi g’schläfad eascht ei,

ruaf nau glei mei Werkschatt a

wia i denn vorbei komma ka.

Acht Wucha, dr’voar gad dau nix,

i fraug eahn nau, ob des a Witz,

der sait nau, noi, noi, alles voll,

ja was fer an Daa, der isch toll.

© Luis Walter 10.02.2026

Schwäbischer Dialekt

Bild: Pixabay

Facebookprofil: https://www.facebook.com/skrumbacher.unddrumrum

Websites: https://www.luis-walter-skrumbacher.de/

und https://www.luis-walter-gedichte.com/

Seine bisher erschienenen Bücher: https://www.bod.de/buchshop/catalogsearch/result/?q=Luis+Walter

Es esch so schen, min Land

Es esch so schen, min Land,

wann d’Blemmle bleije,

un d’Veijele pfiffe.

Es esch so schen, min Land,

ob es raïjt, ob es schneijt, oder wattert,

ob d’Sonne lieslich schint,

oder ebs em Himmel graü wintert,

ob d’Sonne fecht brandt,

oder ob e kalter Wind blosst.

Es esch schen, min Land,

nochem schwarze Himmel

gebt es emmer e Rajeboje,

min Land am Geberri oder am Rhinstrandt

hät scheni, himmlichi Farve,

von denne esch met Freid traïme.

Kumm miner Kamerad, loss dinner Hass t’Heime,

mer gehn bummle en Strossburi,

do han’se so gueti Sache,

de dinn Hartz lowandisch mache.

Es esch so schen, min Land,

© Iris Gutfried

Dialekt aus dem Elsass

Bild: Pixabay

Website: www.jardindespoetes.fr

Facebookprofil: https://www.facebook.com/iris.gutfried

Auf dr Bundesschtrauß

I fahr grad auf ra Bundesschtrauß,

dau denk i, mi kratzt grad au Laus,

dau fährt grad oiner voar mir her,

ja der blockiert ganz da Verkehr.

Es wärad ja Hundert dau erlaubt,

ob der sich des net fahra traut?

Mit sechzig kriacht er so dau na,

wo ma au net überhola ka.

Ganz links fährt er au no so dau rom,

kommt über da Schtroifa au no nom,

wo oiner nau au ganz prompt

schea langsam au entgega kommt.

Der voar mir merkt des au glei

dass er viel zweit links deana sei,

reißt ’s Auto ganz schnell rechts rom,

und geit nau glei Gas omadomm.

Mit achtzig fährt er nau au glei

en dia nächscht Ortschaft dau nei,

wo i dau nau aabremsa dua,

halt zum Vordara Abschtand dr’zua.

Und dußa nau, auf grader Schtreck,

dau denk i mir nau, i verreck,

der glatt wieder langsamer wedd,

zum überhola aber scho d’schpät.

So fahr i weiter hinterher,

entgega kommt all a Verkehr,

na ja, i han ja a wenga Zeit,

bloß schnell doa wär grad net g’scheit.

Doch dann komm i an eahm vorbei,

a älterer Herr des dau sei,

dahoi bi i ja nau au scho glei,

und fahr en mei Diafgarascha nei.

© Luis Walter / 02.02.2026

Schwäbischer Dialekt

Bild: Montage aus Pixabay-Bildern

Facebookprofil: https://www.facebook.com/skrumbacher.unddrumrum

Websites: https://www.luis-walter-skrumbacher.de/

und https://www.luis-walter-gedichte.com/

Seine bisher erschienenen Bücher: https://www.bod.de/buchshop/catalogsearch/result/?q=Luis+Walter

Wenn heit dr Herrgott gnädig wär

Wenn heit dr Herrgott gnädig wär,

nau nimmt er jedem sei Gewehr,

nau nimmt er jedem, der z’viel Geld

und vertoilt’s gerecht auf dieser Welt.

Doch weil des halt so net passiert,

drom häuft’s oiner a ungeniert,

er nimmt’s sogar de Arme weg,

daumit se hand da fetta Schpeck.

Dia Reiche send dau unter sich,

duat oiner em andra koin Schtich,

toilt alles ondranander schea auf,

auf da Kloina pfeifft ma schea drauf.

Dr Herrgott, der hätt doch a Macht,

dass der dau dr’gega nix macht?

A Sintflut wär dau scho meah recht

dr’mit sich dr Kloi au mal rächt.

I han ja nix gega dia Leit,

wenn oiner a Geld hat wia g’scheit,

wenn der bloß Guates dr’mit dät,

nau wär bei uns all no nix d’schpät.

Es nimmt am End koiner ebbes mit,

duat oiner mal da allerletscht Tritt,

wenn all des ganze Geld vertoilt,

i denk, dau wär dia Welt bald g’hoilt

© Luis Walter

Schwäbischer Dialekt

Bilder: Pixabay

Facebookprofil: https://www.facebook.com/skrumbacher.unddrumrum

Websites: https://www.luis-walter-skrumbacher.de/

und https://www.luis-walter-gedichte.com/

Seine bisher erschienenen Bücher: https://www.bod.de/buchshop/catalogsearch/result/?q=Luis+Walter